هذا الموضوع من أطرف المواضيع في موقع هاوس كير ايجيبت ،رغم أن تخصصنا غير متعلق بإدارة المشاكل الزوجية والعاطفية وحلولها ومع ذلك أحد موظفينا لديه موهبة الكتابة وقرر كتابة حوار شيق بين أب وبنته ، وقررنا مشاركة الحوار معكم في هذه التدوينة ولكن طبعا بعد إخباره بذلك وموافقته.
إليكم أحد أطرف الحوارات الشيقة بين أب وابنته من خلال أحد موظفي هاوس كير ايجيبت الموهوبين. بخصوص كيفية إيقاع الرجل في الحب؟ .... ليس هكذا تماما ولكن إليكم النص كما هو من الرسائل (بالعامية المصرية) :
الإبنة: يا بابا شوفلي حل مع رامي ، الواد مش مهتم خالص اعمل ايه!@@
الإبنة: معندوش ريحة الرومانسية
الأب: استني اخر النهار هخلص شغل واكلمك
الأب: ابعتي على رقمي بلاش هنا
الإبنة: ok dad
بعد عدة ساعات...
الإبنة: قولى بقى اعمل ايه دلوقتي
الإبنة: كل ده بتكتب!!!!!
الإبنة: هترجع امتى
الأب: هقولك بقى اسرار تخلي البنت تخطف قلب الشاب
الإبنة: الله بقى ايوه كده .. طب مينفعش اجيبله هدية فخمة وخلاص؟
الأب: لا الهدايا مش مؤثرة حتى لو اشتريتي هدية من أفخم محلات الهدايا في دبي أو الشارقة أو القاهرة
الأب: أي شاب أو راجل في الدنيا بيكون عاطفي جدا حتى لو هو مش رومانسي والحل تشتغلي على
العاطفة بتاعته عشان هي عبارة عن حجات كتير بتحرك دماغه وتخليها تشتغل
الأب: عاطفة الشباب مش بتسيطر على تفكيرهم انما بتخليهم يفكرو
الإبنة: طيب دلوقتي مثلا واحدة عايزة تخطف قلب واحد .. تعمل ايه؟
الأب: أول حاجة لازم تحرك عاطفته وتخليه يفكر فيها ... وبعد ما يفكر فيها أكيد هيقنع نفسه بيها لو هي أثبتت كفاءة وسيطرة 😁
الأب: اقصد سيطرة على احساسه
الإبنة: يعني ايه الشاب عاطفته حجات كتير .. طب هي ايه.
الأب: أولا وثانيا ... عيونه = 30% تقريبا من عيون الشاب هي عاطفته
الإبنة: اه عارفه عيونهم زايغة
الأب: استني بس هفهمك موضوع العيون ده
الأب: ثالثا ورابعا وخامسا ... حاسة التذوق = 40% تقريبا من عاطفة الشاب بتروح للي تثبت قدرة وكفاءة وسيطرة في موضوع الأكل ... الشباب بيحترمو ويحبو البنت اللي بتعرف تطبخ جدا جدا.
الإبنة: فاضية انا .. صح؟
الأب: سادسا وأخيرا ... طريقة التفكير = 30% من عاطفة الشاب بتروح للبنت اللي تفكيرها حلو.... زي عيونه كدا بتروح للاوصاف الحلوة .. الشاب يحب البنت اللي عندها حلول ذكية لكل حاجة حتى لو هو عامل نفسه أبو العريف.
الأب: كدا وصلنا لنسبة 100% من عاطفة الشاب
الأب: العين 30% + التذوق 40% + طريقة التفكير 30% = 100%
الإبنة: البنت تطبق بقى الكلام ده عملي ازاي؟
الأب: سهله موضوع العين مثلا
الأب: لما البنت تتكلم مع الولد لازم توصف له اللي هي بتتكلم عنه وتخليه حلو في خياله .. الخيال له عين والشاب بينجذب للأوصاف جدا حتى لو بالسمع -- يعني باختصار استغلال حاسة السمع للوصول لعيونه.
الأب: حاسة التذوق هي افخم هدية يفهمها الرجل
الأب: بعد ما تفهم ازاي توصل لعيونه عن طريق الاوصاف لازم بقى توصل لحاسة التذوق عنده من خلال انها توصف أد ايه نوع الأكل اللي هو بيحبه هي أستاذة في عمله وتقعد بقى توصف له شكله وتخليه يسمع لوصف الأكله كدا كأنها قدامه ويشم ريحتها كمان ويتذوقها .. باختصار تجننه وبكدا هتكون وصلت ل 30% عيونه و 40% حاسة تذوق = 70% يعني كدا هيبدأ يفكر فيها ويحس باعجاب ناحيتها.
الإبنة: آه هتعلم طبخ في المشمش
الأب: فكري بايجابية وبلاش المشمش
الأب: خليني اقولك على اهم حاجة
الإبنة: ايوه طريقة التفكير
الأب: بالظبط كدا دي بقى أهم حاجة جدا رغم ان تأثيرها مش مباشر زي العين وحاسة التذوق لكن أهميتها بتمتد للعلاقة كلها مدى الحياة ... باختصار الشاب رغم انه ممكن يعمل فيها أبو العريف ويحاول يثبت انه كفاءة وبيعرف يتصرف إنما اكتر حاجة يكرهها في البنت لما تقوله "اتصرف" ... طبعا احيانا فيه بنات تقول "اتصرف يا استاذ بقى وشوف حل" وفيه بنات بتزودها طين وتقوله "اتصرف وشوفلك حل مش انت عامل فيها ابو العريف؟"
الإبنة: هههههههههه الله عليك يا بابا شكلك استويت
الأب: البركة في مامتك
الأب: باختصار الشاب يحب البنت اللي تديله فكرة أو رأي في اي موقف حتى لو مش هياخد بيه اصلا بس مجرد انها تكون ذكية ده في حد ذاته بيرفعها جدا في نظره ويخليه يعجب بيها جدا وكمان مسألة طريقة التفكير دي مهمه جدا علشان بتعمل نوع من الانتماء كدا معاها وطول ما هي بتثبت له انها الأذكى طول ما هو يفضلها عن اي واحدة في الدنيا..
الأب: بس طبعا لو هي استخدمت ذكائها غلط يبقى مش هيحبها ولا هيعجب بيها ابدا ابدا ... يعني مثلا متقعدش تدور على سلبياته وتثبت له انها ذكية واكتشفت عيب من عيوبه أو خطأ من اخطائه أو سلبية من سلبياته ... كدا يبقى هي غبية مش ذكية والنتيجة هتكون العكس تماما.د
الإبنة: الله عليك يا بابا يا عسل
الأب: ربنا يقدرني على فعل الخير دايما
هاوس كير : ويقدرنا على إعادة نشر الخير ^_^
الإتصال بنا 01065466644